Најдобрите фотографии од природата за 2020 година

Академијата за науки во Калифорнија ги објави победничките фотографии од натпреварот за BigPicture Nature World. Победничките фотографии се објавени во онлајн научниот магазин bioGraphic, а во оваа галерија се објавени и финалистите.

Главната награда отиде во рацете на Енди Паркинсон за фотографијата со планински зајак обвиткан од студот како крзнена топка. Фотографијата е направена во Шкотска. Тој за неа доби 5.000 долари и истата ќе биде изложена во Академијата за науки.

Првонаградените во седум категории ќе добијат по 1.000 долари, додека секој финалист е награден со сертификат  за почесно учество.