Според најновите истражувања, тринаесеттата година од бракот е најтешка за многу парови, па токму тогаш во просек има најмногу разводи.
Останатите податоци укажуваат дека просечната возраст на паровите кои ќе се одлучат да побараат помош од брачен советник е во средината на 40-тите години
Според д-р Брендан Лехај овие податоци покажуваат дека многу мажи и жени ги преиспитуваат врските и почнуваат да го вреднуваат бракот како институција.
„Општо земено, луѓето не се разделуваат толку лесно. За многумина тоа е многу болно искуство“, вели тој.
Тој предлага основање државни агенции кои ќе се занимаваат со давање поддршка на парови кои се пред разделба, исто како што постојат државни агенции за социјална грижа или советување деца, семејства и млади.
Кога станува збор за оваа тема, експертите сметаат дека многу малку се дискутира за ова прашање.
