Министерството за здравство соопшти дека на територијата на цела држава една доза вакцина досега примиле 27,5% од граѓаните.
Последните анализи покажуваат дека најголем процент вакцинирани граѓани има во Кавадарци - 43,5%, потоа следува Охрид со 42,9% и Гевгелија со 41%. Најмал процент вакцинирани граѓани има во Дебар - 17,3%, во Тетово 17,1%, а во Кичево 15,8%.
Состојбата на вакцинирани граѓани во останатите градови е следна:
- Ресен 39,8%
- Битола 38,9%
- Неготино 38%
- Штип 37,2%
- Пехчево 36%
- Велес 31%
- Демир Хисар 30,9%
- Берово 30,9%
- Скопје 30,8%
- Валандово 30,6%
- Прилеп 30,3%
- Пробиштип 29,7%
- Крушево 28,3%
- Кочани 25,3%
- Свети Николе 25,2%
- Делчево 24,9%
- Виница 24,5%
- Крива Паланка 23,9%
- Радовиш 23,2%
- Струга 23,1%
- Куманово 21,2%
- Струмица 19,4%
- Кратово 18,9%
- Македонски Брод 18,2%
- Гостивар 17,8%
Министерот за здравство, Венко Филипче, денеска порача дека вакцините се ефикасни и безбедни и дека единствениот начин да не бидеме затворени и да се вратиме на старите навики е што поголем број на вакцинирани граѓани и само така може да се придонесе до создавање на колективен имунитет и совладување на пандемијата.
