Дел од најретките шишиња виски на светот наскоро ќе се продаваат на најголемата аукција на приватни колекции на виски досега.
На аукцијата ќе бидат понудени 3.900 шишиња од така наречената „Совршена колекција“ што ја собирал покојниот приватен колекционер од Колорадо Ричард Гудинг.
Вредноста на колекцијата се проценува на 10.5 милиони долари, иако голема е веројатноста на дека на аукцијата ќе достигне многу повисока цена.
„Совршената колекција“ се состои од специјални шишиња кои се индивидуално детално испитани.
Во видеото на Whisky Auctioneer убаво се објаснува приказната за колекцијата, со коментари од некои од најголемите експерти за стари и ретки видови виски.
Ако колекцијата се продаде за повеќе од 16,7 милиони долари, ќе го собори Гинисовиот рекорд за најголем износ платен за една колекција.
Аукцијата ќе се одржи во два дела, едниот ќе трае од 7 до 17 февруари, а вториот од 10 до 20 април, 2020 година.