Хипохондријата се дефинира како неоснован страв од болест. Во поблага форма е преувеличување на состојбата или симптомите во случај на некакво заболување или присуство на закана по здравјето.
Живееме во време на пандемија кога реално може да се заразиме од коронавирусот, но ако се заштитиме и ги почитуваме мерките, ризикот значително се намалува.
Некои хипохондрици паничат, додека други само бараат внимание. Во зодијакот има тројца дежурни хипохондрици, а кралица на сите е Девицата.
Девица
Убедливо најголем хипохондрик меѓу хороскопските знаци. Постојано прави лекарски прегледи, анализи на крв и од нешто боледува „100%“. Ако погледне документарец или видео на YouTube за некоја ретка болест, во истиот миг ги чувствува симптомите. Во најлош случај стравот за здравјето преминува во опсесија и често знаат да го пренесат тој страв и на нивните деца.
Постојано го чистат и дезинфицираат домот, пречесто мијат раце и се затвораат дома кога е сезона на настинки. Во време на пандемија не очекувајте да ги видите во јавност, освен ако не носат заштитна опрема од глава до пети.
Јарец
Многу им е тешко да излезат на крај со своите стравови, а еден од нив е и стравот од болест. Најчудно кај нив е што стравот дека се болни од нешто ги носи во друга насока – одбегнуваат да одат на лекар.
Затоа ќе гуглаат и ќе бараат објаснување за симптомите што ги имаат (или ги замислуваат) и се убедуваат во најлошото сценарио. Панично се плашат да бидат немоќни и да зависат од некого, а болеста за нив значи токму тоа.
Риби
Рибите имаат навика да ги преувеличуваат нештата, а тука спаѓаат и симптомите за разни болести и здравствени состојби. Не се толку исплашени дека нешто навистина им се случува колку што сакаат да привлекуваат внимание.
Не одат на лекар, но ќе земат болдување, ќе се изолираат од сите и ќе одбегнуваат контакти. Потајно уживаат во таа самотија, па хипохондријата им доаѓа како изговор. Склони се кон самосожалување, но кога се навистина болни бараат помош.