Изградбата на најголемиот аквариум во светот, со 68.000 морски животни во 25 милиони литри вода, е при крај во Абу Даби. Посетителите ќе уживаат во бројни изложби, презентации и прикази на подводниот свет во Sea World.
Неверојатниот комплекс ќе биде отворен следната година и ќе претстави повеќе од 68.000 морски животни.
Посебна атракција ќе биде вертикалниот прозорец од 20 метри, кој дава увид во настаните на сите нивоа.
Покрај аквариумот планирана е изградба на истражувачки и спасувачки центар кој ќе се грижи за подводниот свет. Гостите ќе можат да дознаат се за научните истражувања и да учествуваат во едукативни курсеви, пишува New Atlas.
Основната челична конструкција на пет нивоа е завршена, а претстои и уредување на внатрешноста на околината. За полнење на комплетниот систем на аквариумот ќе бидат потребни 25 милиони литри вода.