На најголемиот светски саем на книги во Франкфурт ќе се претстават околу 7.500 излагачи од 110 земји во светот. Според организаторите, саемот на книги во Франкфурт расте, годинава ќе има 3% повеќе излагачи отколку во 2017.
Саемот на книги во Франкфурт има корени уште од средниот век, кога двајца печатари за првпат приредиле ваков настан во 1454 година, откако Јохан Гутенберг ја пронашол техниката за печатење со подвижен слог и ја усовршил печатарската машина.
Седумнаесеттиот меѓународен саем на книги во Франкфурт ќе трае до недела, 14 октомври. За посетителите ќе биде отворен утре, кога германскиот претседател Франк-Валтер Штајнмаер ќе учествува во расправа за борбата против популизмот.
Минатата година саемот бил посетен од 250.000 луѓе. Продажбата на книги во Германија е опадната за 1,1% годинава, но тоа не ги обесхрабрува организаторите.