Со климатските промени и човековото уништување на природата, дојде време за проекти кои треба да го вратат уништеното зеленило, а два такви се навистина мега.
Големите зелени ѕидови на Африка и Аравали се мегапроекти како ништо слично. Овие револуционерни проекти треба да го намалат ударот зададен врз нашата планета од климатските промени.
Африканскиот ѕид предвидува засадување на 100 милиони дрвја и тоа низ целиот регион наречен Сахел. Овој регион е транзициски помеѓу пустината Сахара на север и останатиот дел од Африка на југ. Климатските промени и дрвосечата го зголемуваат Сахел на сметка на јужниот зелен дел.
Разеленувањето на Сахел веќе е во тек и досега се засадени 17 милиони дрвја, но за да се достигне предвидената бројка, а се работи за површина која во должина се протега на 8 илјади километри, ќе биде потребно уште доста време. Проценките се дека би требало да чини 8 милијарди долари, но уште сега стана јасно дека многу веројатно овој праг ќе биде и тоа како надминат. Засадувањето на многу дрвја треба да ја прекине ерозијата на почвата која полека се претвора во пустина и со тоа Сахара се шири.
Другиот зелен ѕид се наоѓа во регионот Аравали во Индија. Исто така се работи за прилично сув регион каде има малку врнежи поради што и овој регион сѐ повеќе и повеќе се шири.
Планот е овој зелен ѕид да биде 1.600 километри долг и широк 5 километри широк. Планот е да се засаденат 1,3 милијарди дрвја, што претставува огромна бројка, можеби и преоптимистичка. Овој проект почна во 2019 година.