На социјалната мрежа Twitter од вчера се споделува трогателна снимка од Украина, чиј автор не е познат, но лицето наводно присуствувало во моментот кога мажите се простувале од своите семејства кои заминале во безбедната зона, додека тие останале во одбрана на државата.
Емотивниот момент кога неименуван Украинец се разделува од ќерка си, која со мајката оди на безбедно со автобус, никого не го остави рамнодушен, покажувајќи го најгрдото лице на војната – траумата за обичните граѓани.
Човекот кој остана да ја брани државата не можеше да ги запре солзите додека ја гушкаше ќерка си и и ја местеше капата, а девочето во солзи се разделува од татка си.
Видеото постојано се споделува наTwitter, а го објави и Independent. Според корисниците на мрежата, сцената на разделбата на семејството од Украина е најтешката работа што може да му се случи на човек, па затоа коментарите повикуваат на прекин на воените дејствија.
Исто така, се споделува уште едно видео, наводно направено во истата прилика, на кое таткото се збогува со ќерката која седи во автобус, а се поздравуваат цртајќи си срца на прозорецот.
