Корона вирусот има негативно влијание и на кино салите во САД и Канада, кои остварија најниска заработка во последните две децении. Се очекува работите дополнително да се влошат. Луѓето се обидуваат да останат дома во затворен простор и избегнуваат групни собири.
Од петокот до неделата вкупната заработка во американските кина изнесуваше само 53,3 милиони долари. Од нив, филмот „Onward“ успеа да заработи над 10 милиони долари. Анимираниот филм за викендот заработи 10,5 милиони долари, доволно за да се најде на врвот на бокс-офисот. Глобално, филмот досега заработи над 101 милион долари.
„I Still Believe“ се најде на второто место и заработи 9,5 милиони долари. „Bloodshot“ со Вин Дизел се најде на третото место, со заработка од 9,3 милиони долари.
На четврто место е „The Invisible Man“ 6 милиони долари. Петтото место му припадна на „The Hunt“, со заработка од 5,3 милиони долари.
Ова се десетте филмови со највисока заработка изминатиот викенд:
1. Onward – 10,5 милиони долари
2. I Still Believe – 9,5
3. Bloodshot – 9,3
4. The Invisible Man – 6
5. The Hunt – 5,3
6. Sonic the Hedgehog – 2,5
7. The Way Back – 2,4
8. The Call of the Wild – 2,2
9. Emma – 1,3
10. Bad Boys for Life – 1,1 милиони долари.