Болките во грбот се честа појава, а посебно се неспецифични болките во долниот дел од грбот. Овие болки се појавуваат како последица на стрес, недостаток на вежбање, напнатост на мускулите или психолошки проблеми.
Кога ќе се појават болките во грбот, понекогаш единствено нешто што посакувате е да останете во кревет. Докторите, меѓутоа, велат дека тоа е најлошото што можете да си го направите.
Лежењето обично ги засилува болките во грбот, пренесува Германското друштво за ортопедија и трауматологија (DGOU).
Затоа, наместо лежење, потребно е да се движите.
На луѓето кои страдаат од болки во грбот им се препорачува било каков вид на физичка активност, велат експерти. Умереното вежбање ги подмачкува зглобовите, ја подобрува подвижноста на рбетот и ги зајакнува мускулите.
Докторите не препорачуваат масажа, но таквите третмани можат да се користат како дополнување на физичката активност.
Ако болките се толку силни што го отежнуваат движењето или го оневозможуваат нормалното држење на рбетот, тогаш таблетите против болки можат да понудат привремено олеснување.
Во случај болките во грбот да не прекинуваат, потребна е консултација со специјалист, за да се заклучи дали причината за таа болка е некој сериозен проблем.