Најлудата казна во историјата: Сити казнет со 2,5 милиони евра за правило кое ретко кој го знае

Манчестер Сити е казнет со над 2 милиона евра откако во 22 наврати го прекршил малку познатото правило во Премиер лигата.

Изгледа речиси лудо што Сити прифати казна од 2 милиона фунти (2,3 милиони евра) за доцнење на почеток на натпревари и вторите полувремиња во 22 одделни прилики во изминатите две сезони.

Едно такво се случи во последниот натпревар од минатата сезона, кога англискиот шампион задоцни на почетокот на второто полувреме од пресметката против Вест Хем, што беше решавачко за титулата, а тогаш играчите на Сити доцнеа 2 минути и 46 секунди.

Инаку, казните за вакви прекршоци се движат од 15.000 евра до 250.000 евра, а „Граѓаните“ не се единствениот тим од Премиер лигата кој го прекршил ова малку познато правило.

Во август 2023 година Кристал Палс беше казнет со 250.000 евра за задоцнет почеток на два меча во сезоната 2022/2023.

„Правилата што се однесуваат на почетокот на натпреварите и вторите полувремиња помагаат организацијата на натпреварувањето да се постави на највисок можен професионален стандард и да се обезбеди безбедност за навивачите и клубовите учесници. Исто така, гарантира дека преносот на сите 380 лигашки натпревари ширум светот се одвива според планираното“, се вели во соопштението на лигата.

Во договорот за санкции, објавен на веб-страницата на Премиер лигата, се вели дека Сити се извинил за прекршувањата и ги потсетил играчите и персоналот на нивната одговорност да ги почитуваат правилата.