Полицијата во Паркленд, Флорида, добила дојава за пукање во едно тамошно училиште. Пукањето се случило во средното училиште „Стоунмен Даглас“, само неколку минути по завршувањето на наставата, пишуваат американските медиуми.
Од канцеларијата на шерифот кратко изјавија дека станува збор за инцидент што траел подолго.
Инцидентот се случил кога вооружено лице влегло во училиштето и почнал да пука. Осомничениот, кого полицијата го идентификуваше како Николас Круз, беше приведен на местото на злосторството и однесен на распит. Учениците велат дека „било очекувано“ Круз да ги нападне, бидејќи и претходно носел оружје во училиште.
„Има жртви“, наведоа од канцеларијата.
Напаѓачот бил вооружен со пушка AR-15 и неколку шаржери полни со муниција. Тој успеал да убие 12 лица во училиштето, две надвор од училиштето, еден на улица и уште две лица починале на пат кон болницата.
Оттаму додале дека напаѓачот сѐ уште е на слобода и ги повикале луѓето да ја избегнуваат оваа област. Според CNN, загинати се најмалку 17 лица, а уште 15 се повредени и моментално се во болница.