Свет

Најмалку 40 загинати во престрелката во две џамии во Нов Зеланд

15. март 2019 - 8:37 | МИА

Крајстчрч, 15 март 2019 (МИА) – Премиерката на Нов Зеланд Џасинда Ардерн изјави дека најмалку 40 луѓе загинале во престрелката во две џамии, што се случи во градот Крајстчрч.

„Ова е еден од најтемните денови во историјата на Нов Зеланд. Она што се случи овде е досега невиден чин на насилство“, истакна премиерката Ардерн.

Таа додаде дека повеќе од 20 лица се ранети, од кои повеќето со сериозни повреди.

По престрелката чeтири мажи и една жена се уапсени.

Претходно локалните медиуми јавија за 27 загинати и најмалку 30 ранети.

Полицијата потврди дека има „значителен“ број жртви, но не го прецизира нивниот број. Во соопштение наведува и дека откриле неколки импровизирани експлозивни направи оставени под автомобили.

Маж, кој презел одговорност за нападот, оставил антиимигрантски проглас на 74 страници, во кој објаснува кој е и какви се причините за нападот.

Коментирај