Речиси 50 луѓе се ранети во денешниот напад со автомобил бомба на истокот на Турција, а властите за нападот ги посочуваат бунтовниците од Работничката партија на Курдистан.
Нападот се случил во центарот на градот Ван, во близина на локалното седиште на владејачката Партија на правдата и развојот и на канцеларијата на гувернерот.
Првичните информации говорат за најмалку 48 ранети, од кои двајца во тешка состојба.
За експлозијата засега никој не ја презема одговорноста.