Во поплавите и одроните во Непал и во Индија во последните месеци загинале повеќе од 90 луѓе, а речиси два милиона морале да ги напуштат своите домови, соопштија властите.
Во Непал, кој минал најлошо од земјите во регионот, поради монсунските дождови кои не престануваат да врнат реките се излиле од своите корита предизвикувајќи поплави и одрони во кои се уништени куќи и мостови.
„Од понеделникот, во поплавите и одроните загинале 73 лица“, изјавил за AFP заменикот на портпаролот на министерството за внатрешни работи Џанка Нат Дакал.
На снимките кои ги направила војската чиишто припадници учествуваат во акцијата за спасување, се гледа како локалното население на покривите од своите домови ги очекуваат тимовите за евакуација со гумени чамци.
Поплавите ја зафатиле и зафрлената држава Асам на североистокот од Индија, каде што животот го загубиле најмалку 19 луѓе.
„Околу два милиона луѓе останаа без покриви над главите“, изјавил премиерот на сојузната држава Асам, Сарабананда Соновал, при обиколката на најтешко настраданите области.
Десетици луѓе секоја година гинат за време на монсунските дождови во Непал и во Индија. Милиони Непалци и денес живеат во импровизирани шаторски населби по силниот земјотрес од април 2015 година, кога загинаа околу 9.000 луѓе.
