Според најновите податоци, во Италија во изминативе 24 часа биле забележани 3.599 нови случаи на заразени со новиот коронавирус.
Ова претставува пад од 17% во бројот на новозаразени во споредба со претходниот ден кога беа забележани 4.316 нови случаи на COVID-19 во земјата и воедно е најмала бројка на новозаразени во еден ден во изминатите 20.
Според податоците на Цивилната заштита на Италија, во изминатите 24 часа од оваа болест починале 636 пациенти, а оздравеле 1.022.
Во Италија досега се регистрирани 132.547 пациенти со коронавирус. Од последиците на коронавирусот во оваа земја досега починаа 16.523 луѓе, а оздравеа 22.837.
Заклучно со денеска тестирани се 721.732 Италијанци, а хоспитализирани се вкупно 28.976 пациенти, од кои 3.898 се на интензивна нега.