Регион

Најмалку шест жртви во пожар на повеќекатница во Белград

21. март 2020 - 10:51 | МИА/КАЈГАНА

Утринава во 4 часот во пожар на повеќекатница во населбата Нов Белград, по гаснењето на пожарот откриени се шест јагленисани тела, соопштија од српското Министерство за внатрешни работи.

Како што јави дописникот на МИА од Белград, пожарот кој избувнал во повеќекатница на булеварот „Милтин Миленковиќ“ на седмиот кат, во стан на едно постаро лице, се проширил и на осмиот и деветиот кат, а пожарникарите успеале да ги евакураат станарите од влезот што горел, како и од соседните влезови.

Неколку лица биле пренесени со брзата помош во Ургентниот центар и ВМА и тие не се животно загрозени. Едно лице има сериозни изгореници по целото тело.

Како што пренесуваат медиумите, можно е да има повеќе од шест жртви, што ќе се утврди по претрага на сите станови.

Пожарот е локализиран и изгаснат, а изгорени се најмалку пет стана. Полицијата ја утврдува причината за пожарот.

Коментирај