Џулиано Симеоне, најмладиот син на тренерот на мадридски Атлетико, Диего Симеоне, прејде во редовите на Сарагоса како позајмен фудбалер, јавија денеска шпанските медиуми.
Џулиано Симеоне минатата сезона настапуваше за Б тимот на Атлетико и во третата шпанска лига постигна 25 голови.
Сарагоса идната сезона ќе се натпреварува во втората шпанска лига, каде што беше и лани.
Највозрасниот син на Симеоне, Џовани, минатата сезона настапуваше за италијанскиот прволигаш Верона како позајмен од Каљари, а кон средината на овој месец потпиша перманентен договор со Верона до 2026 година.
Покрај Џулиано и Џовани, и третиот син на Симеоне, Џанлука, е фудбалер и настапува за шпанскиот четвртолигаш Ибица.