Истражувањето за консумирање на овошје на Стариот Континент открива дека жителите на југот далеку повеќе консумираат отколку оние во континенталниот дел.
Убедливо најголеми консументи се жителите на Албанија со над 150 килограми годишно по жител. Потоа следуваат оние на Турција, Грција, Црна Гора, Словенија, Италија, Португалија, како и Ерменија и Израел со помеѓу 100 и 149 килограми годишно по жител.
Македонија со 90-99 килограми годишно по жител е во група со Босна и Херцеговина, Франција, Шпанија, Холандија, Обединетото Кралство и Исланд.
Најмалку овошје по глава на жител се консумира во Молдавија, Латвија, Словачка и Унгарија, односно помалку од 50 килограми.