Ракетата од најновата генерација во рамките на мисијата Artemis би требало да помине 25 дена во вселената, носејќи ја капсулата Orion без екипаж, а доколку сè биде безбедно, планирано е да има луѓе во неа во едно од следните лансирања. Во капсулата моментално се сместени куклите Хелга и Зохар.
Не долго по лансирањето, Orion ги испрати на Земјата првите со нетрпение очекувани слики од камерите прикачени на краевите на неговите соларни крила долги седум метри, објави Space.com.
НАСА сподели три слики од Orion. Првите слики, со релативно мала резолуција, покажуваат делови од авионот. Едниот ја покажува сината кривина на Земјата во позадина. Кога Orion ја направи фотографијата, таа сè уште беше прикачен на системот за лансирање. Одвојувањето од втората фаза се случи околу час и 55 минути по полетувањето.
Именувана по старогрчката божица на ловот - и сестрата близначка на Аполо Артемида - Artemis има за цел да ги врати астронаутите на површината на Месечината уште во 2025 година. НАСА претходно двапати се обиде да лансира ракета на Месечината без успех поради технички проблеми.
Orion ќе се врати на Земјата на 11 декември и ќе слета во Тихиот Океан во близина на брегот на Калифорнија.
