Веќе е познато дека BMW M дивизијата ги имаше своите најдобри 12 месеци досега.
Со испорачани 177.257 автомобили помеѓу јануари и декември 2022 година, BMW M постави нов годишен рекорд. Продажбата е зголемена за 8,4% во однос на исто така рекордната 2021 година кога се продадени 163.542 возила, пишува Autoblog.
Пазарот во САД беше најважен за BMW M, следен од Германија, додека Велика Британија беше нивниот трет најважен пазар.
Германците велат дека електричните автомобили како i4 M50 и iX M60 придонеле за успехот на M, кој е дополнително зајакнат со M240i, M2 и M3 Touring.
Она што привлекува внимание е фактот дека најпродаваниот BMW M модел во 2022 година беше целосно електричниот BMW i4 M50. Точниот број на продадени BMW i4 M50 не беше споделен.
„За нас ова е јасен сигнал дека уникатното М чувство пристигна во светот на електрифицираните возила“, вели Тимо Реш, шеф на одделот за клиенти, бренд и продажба во BMW M GmbH.
„Новиот продажен рекорд за автомобилите на BMW M се заснова на нашето успешно присуство во широк опсег на сегменти на возила“, додаде Реш. „Со нашата широка палета на производи, ние сме и идеално позиционирани за иднината“.
