Вкупната штета на суперспортските автомобили достигна неверојатни 7,4 милиони евра.
На планински премин во австриско-швајцарската погранична област се случила сообраќајна незгода во која е направена неверојатна штета од 7,4 милиони евра. Учествувале 4 суперлуксузни автомобили, чии сопственици се Швајцарци.
Инцидентот се случил на 10 ноември во Пфундс кога LaFerrari вредно 4,9 милиони евра, второ во колоната, ненадејно закочило во тесен свиок. Според информациите, во несреќата нема повредени.
Ferrari Superfast, вреден околу еден милион евра, што го следел, бил премногу блиску, а сончевата светлина го заслепила возачот, поради што не ги забележал сигналните светла.
Ова резултирало со силен удар во задниот дел на LaFerrari, што предизвикало верижна реакција која го оштетила McLaren-от кој се движел пред него. Потоа Bentley, од крајот на колоната, удрил во групата автомобили и го турнал McLaren-от до камениот ѕид, пишува магазинот Fenix.
Вкупната штета на овие суперспортски автомобили достигна вртоглави 7,4 милиони евра. Возачите, кои се на возраст меѓу 40 и 52 години, според локалната полиција, биле крајно засрамени и молеле случајот да не излезе во јавноста.
