Најскапиот ураган досега: Ирма снимена од вселената (Видео)

Ирма прерасна во чудовиште од ураган од петта категорија што според најновите информации од официјалните служби зеде веќе девет жртви.

Ирма ја носат ветрови со константна јачина од речиси 297 км/ч, велат од Националниот центар за урагани. Експертите сметаат дека ова е најмоќниот ураган што досега го зафатил брегот на Атлантскиот Океан.

„Ова без проблем може да биде најскапиот ураган во историјата на САД, што кажува многу имајќи предвид што се случи пред само две недели“, рече Брајан Мекнолди, експерт за урагани од Универзитетот на Мајами, потсетувајќи на огромната материјална штета што ја предизвика ураганот Харви.