Според вредноста на играчите на Transfermarkt најскапиот тим во Италија го предводи Пауло Дибала пред Лукаку и Ериксен.
Вкупната вредност на најскапите 11 во Калчото е вртоглави 765 милиони евра. Најскап е аргентинскиот напаѓач од Јуве кој вреди 90 милиони евра. Неговата цена во последниот период пораснала за 5 милиони.
Зад него се двајца играчи на Интер со по 85 милини евра вредност. Белгиецот Ромелу Лукаку кој со своите погодоци накачил 10 милиони повеќе и Данецот Кристијан Ериксен чија вредност се намалила за 5 милиони бидејќи сѐ уште не е првотимец.
Со 80 милиони евра следуваат Лаутаро Мартинес, уште еден интериста, како и Сергеј Милинковиќ-Савиќ од Лацио. Дури потоа доаѓа виртуозот Кристијано Роналдо со 75 милиони, исто како и неговиот соиграч од Јуве, младиот дефанзивец Матајс де Лихт.
70 милиони евра вреди централниот дефанзивец на Наполи и Сенегал, Калиду Кулибали, чија цена бележи пад од 5 милиони. Потоа следува голманот на Милан, Џиџи Донарума со 55 милиони. Пет милиони помалку вреди левиот бек на Јуве, Алекс Сандру.
Новак на листата и воедно најефтин е десниот бек на Наполи, Џовани Ди Лоренцо со само 20 милиони евра.
