Во светот наголемо се гради, но не секогаш крајниот резултат функционира како што треба.
Милијарди долари се трошат на колосни зданија кои ги дизајнираат светски познати архитекти. Но, и тие можат да погрешат, па во проектот да мора да се дофрлат уште куп пари за да се поправи непредвидената грешка.
Таков е примерот со огромниот лондонски облакодер едноставно наречен „20 Фенчрч стрит“ според умето на улицата на која се наоѓа. Хонгконгшкиот милијардер Ли Кум Хи потрошил дури 1,8 милијарди долари за да го изгради, а на крајот морал да ја преправа.
Поради закривеноста на зградата, сончевите зраци се рефлектирале долу и создавала температура шестпати потопла од нормалната која дури ги топела автомобилите, а доказ колку е топла улицата под зградата бил и фактот што успешно било испржено јајце на тротоарот.
Уште 14 милиони долари морале да бидат потрошени за да се санира проблемот со рефлектирањето на сончевите зраци.
Вакви утки има еден куп низ светот, а тимот на Top Luxury создаде листа на топ 5 најскапи градежни грешки.
