Уругвајскиот напаѓач Дарвин Нуњес летоска дојде како огромно засилување на „Енфилд“, а сега откри еден необичен факт - ништо не го разбира својот тренер.
Ливерпул синоќа го победи шкотски Ренџерс со 2:0 во 3. коло од Лигата на шампионите, а Нуњес играше до 80-тата минута. Не се запиша во листата на стрелци, ниту пак асистираше.
„Искрено, јас ништо не разбирам од тоа што ни го кажува за време на подготовките за натпреварите или на полувремињата. Откако ќе заврши со говорот ги прашувам соиграчите што изнакажал“, изјави Нуњес и ги шокираше навивачите на „Црвените“.
Уругваецот од 2019 година е на Стариот континент, но настапуваше во земји каде или се говори шпански, или сродниот португалски, односно за шпанска Алмерија и португалска Бенфика. Прв пат е стациониран во земја каде прв јазик е англискиот, па ништо чудно причината за неговото неразбирање на Јирген Клоп да е неговото слабо познавање на англискиот јазик, а како капак доаѓа и фактот што Клоп зборува чуден англиски со германски нагласок.
„Сепак, мислам дека е доста јасен во она што го кажува. Бара од нас да работиме едноставни работи, да не се плашиме да играме, да бидеме самоуверени. И кога ќе ја изгубиме топката да тргнеме во пресинг. Тоа секогаш го бара од нас“, додаде Дарвин кој во Ливеррпул сезонава постигна само 2 гола. Во двете сезони кои ги мина во Бенфика на 87 натпревари постигна 48 голови.
Ливерпул на Бенфика за неговите услуги ѝ искешира 75 милиони евра, а уште 25 милиони ќе ѝ ги исплаќа во делови како што ќе исполнуваат одредени услови согласно потпишаниот договор.