Рецепт за сочен ароматичен колач од јаболка со цимет, се топи во уста.
Потребни состојки:
- 650 г јаболка
- 120 г путер
- 100 г шеќер
- 200 г брашно
- 3 јајца
- 1 ванилин шеќер
- 1,5 кесичка прашок за пециво
- Лажичка ситно изрендана кора од лимон
- Половина лажичка цимет
Начин на подготовка:
Изматете ги путерот и шеќерот за да добиете хомогена маса, а шеќерот да се растопи. Полека додадете ги јајцата, а потоа и кората од лимон, лажица вода и на крајот брашното и прашокот за пециво.
Сето тоа добро измешајте го за да добиете еднолична и глатка смеса.
Со путер подмачкајте тркалезен плех за печење и обложете го со хартија за печење, па во него сипете го подготвеното тесто и рамномерно распоредете по целата површина.
Јаболката измијте ги, исушете и исечете на парчиња, па посипете ги со цимет и наредете ги над тестото.
Печете околу 30 до 40 минути на температура од 180 степени Целзиусови.
Кога ќе се испече колачот почекајте да се олади, па по желба посипете со шеќер во прав и послужете.
