Јизраел Кристал е веројатно најстариот маж во светот, по смртта на Јапонецот Јасутаро Коиде, кој почина пред неколку дена. Тој е роден на 15 септември 1903 година во Полска, а сега е кандидат за титулата најстар маж во светот.
Најстарата жива личност во моментов е Сузана Мушат Џонс од Бруклин, Њујорк. Таа има 116 години.
Интересно за Јизраел Кристал е што успеал да го преживее злогласниот логор на смртта, Аушвиц.
„Вистинско чудо е што сум жив и при здрав разум. Тоа што го проживеав и видов таму до денешен ден го паметам многу детално. Такви работи никогаш не се забораваат, дури ни по 72 години“, вели човекот кој пред четири месеци наполни 112 години.
По ослободувањето од логорот Јизраел се преселил во градот Хаиф во Израел и на 40 години започнал сосема нов живот. Денес живее во дом за старци.
Единствен документ што го има, а ја докажува неговата возраст, е дипломата за завршено слаткарско училиште пред 86 години.