Фудбалерот Каи Хаверц одигра одличен натпревар во победата на Германија против Костарика, но остана разочаран и покрај тоа што му беше доделена наградата за најдобар играч.
Хаверц влезе во игра во продолжение и со два гола донесе пресврт за својата селекција против Костарика. На крајот Германија победи со резултат од 4:2, но недоволно за победа во нокаут фазата на Мундијалот поради резултатот на дуелот меѓу Јапонија и Шпанија (2:1).
Посебно се издвојува фотографијата на која Хаверц позира со наградата за најдобар играч на натпреварот.
Фудбалерот речиси расплакан позира со наградата за најдобар играч на натпреварот, но покажа дека тоа не му значи многу бидејќи неговата репрезентација беше елиминирана во групната фаза на Светското првенство во Катар.
Хаверц дефинитивно би ја заменил оваа награда за минување на неговиот тим во осминафиналето на Мундијалот, а навивачите и некои медиуми оваа глетка ја опишаа како „најтажната фотографија на Светското првенство“.
„Ова е најдепресивната фотографија од играч на мечот што некогаш е видена во фудбалот. Тој воопшто не сака да биде таму“, коментираат навивачите на социјалните мрежи.