Не е секој роден со завидно ниво на самодоверба. Некои треба да работат напорно на тоа.
Има многу методи со кои луѓето се трудат да изградат самодоверба, како на пример практикување здрав начин на живот што вклучува вежбање и подобра исхрана. Сето ова го правиме за да стекнеме емоционална, социјална и ментална благосостојба.
Сепак, се чини дека некои совети што луѓето редовно ги споделуваат можат да имаат контраефект. Така, корисникот на Reddit под псевдоним u/redhead_in_red реши да провери кои совети за самопомош се покажале токсични.
The Independent издвои некои од одговорите:
„Секогаш верувај им на своите чувства“
Овој совет ќе го видите насекаде. Не, честопати нашите чувства бараат интроспекција за да можеме да работиме на нив и да направиме позитивни промени.
„Треба да очекувате безусловна поддршка, љубов и прифаќање од пријателите или романтичните партнери“
Популарна идеја, но ако луѓето навистина се грижат за вас, ќе ви кажат кога си штетите на себе или на другите.
„Не можете да имате проблем со менталното здравје затоа што сте во добра животна ситуација“
Во случај да треба да ве потсетиме, менталната болест не прави дискриминација. Проблемите со менталното здравје не влијаат само на угнетените групи. Ова е многу токсично размислување.
„Тестирајте ги пријателствата со негирање контакт за да видите дали луѓето ќе забележат. Тоа ви кажува да им раскинете на пријателите кои не ве контактираат редовно“
Ова е многу себична и пасивно-агресивна постапка. Ако ви недостасува некој пријател, јавете му се, не играјте игри. Можеби им се случува нешто ужасно во нивните животи, светот не се врти околу вас.
„Треба да бидете лојални на вашето семејство, без оглед на сè“
Ако се токсични или насилни, нема причина да ги чувате во вашиот живот. Особено ако тоа штети на вашата благосостојба / ментално здравје.
„Најдете работа што ја сакате и никогаш нема да работите ниту еден ден во животот“
Како прво, дури и работата што ја сакате често ќе биде ужас. Затоа ви плаќаат за да го правите тоа. Овој „совет“ само прави да се чувствувате неуспешни секогаш кога имате лош ден на работа.
„Сè се случува со причина“
Не, понекогаш треба да ги испитате причините за нечие однесување и да научите кога некој ве искористува или прихички ве малтретира.
„На другите им е полошо од тебе“
Можеби тоа е вистина, но овој факт нема да ги поништи вашите чувства. Имате право на вашите чувства и расположенија.