Поранешната олимписка скијачка Линдзи Вон наполни 38 години и призна дека годинава е особено тешко за неа.
„Да, постара сум за една година. Но, оваа година е посебно тешка за мене бидејќи мајка ми секогаш прва ми го честиташе роденденот. Низ годините ми праќаше порака во 2:34 наутро, во точното време кога сум родена. Иако минаа неколку тешки седмици од нејзината смрт, нејзиниот глас е секогаш со мене, потсетувајќи ме дека имам на што да бидам благодарна“, напиша таа во објава на социјалните мрежи.
„Им благодарам на моето семејство и пријателите кои ми го разубавија денот, денешниот и секој ден. Сите ве сакам и многу ве почитувам. Можеби сум една година постара, но сум и една година посилна отколку што бев“, заклучи Линдзи.
Нејзината мајка, Линди Ланд почина кон крајот на август, една година откако ѝ беше дијагностицирана амиотрофична латерална склероза.
