Кој вели дека мора да одите на плажа за да уживате во морска вода? Во светот постојат прекрасни места со природни базени создадени во карпи покрај брегот на морето.
Elite Readers одвои неколку такви локации:
1. Кејптаун
Ако сте во потрага по базен со морска вода тогаш Кејптаун е идеалната дестинација за вас. Sea Point е еден од ретките базени кои се наоѓаат веднаш на плажа. Комплексот е сочинет од четири базени со различни димензии и длабочини, за да можат и најмладите да уживаат.
2. Бразил
Порто де Галинас е главна туристичка атракција за оние кои бараат чиста морска вода во егзотични краеви на светот. Овде посетителите уживаат во природни базени полни со топла морска вода.
3. Португалија
На брегот на градот Порто се изградени базени со морска вода. Поради непредвидливоста на Атлантскиот Океан, архитектот Алверо Сиза конструирал два базена, еден за возрасни кој е поблиску до водата и уште еден за деца, малку оддалечен од водата.
4. Австралија
Популарната плажа Бонди во Сиднеј има базен изграден практично во вода, за посетителите да уживаат во брановите кои го заплискуваат базенот. Направени се и безбедносни огради за луѓето да бидат безбедни во базенот.
5. Италија
„Пештера на поезијата“ е природен базен со морска вода во Италија. Се наоѓа покрај брегот на Јадранското Море, но водата во него е за неколку степени постудена од самото море.