Новиот филм на Том Круз, „Top Gun: Maverick“ глобално заработи над милијарда долари и така стана најуспешниот филм во 2022 година, а воедно и најуспешен филм во кариерата на актерот.
За само еден месец прикажување, филмот во Америка заработи 522 милиони долари, во Велика Британија 70 милиони и во Јапонија 41 милион долари.
Досега, најуспешен филм на Том Круз беше „Mission: Impossible - Fallout“, кој заработи 792 милиони долари.
Кога станува збор за бокс-офисот, „Top Gun: Maverick“ успешно се враќаше на првото место иако на моменти пред него беа „Lightyear“ и „Jurassic World Dominion“.
Од него не се одушевени само гледачите, туку и критичарите кои тврдат дека се работи за совршен блокбастер кој целата приказна на филмот ја подигнува на повисоко ниво.
