Овие колачиња полнети со чоколадо се многу меки и полни со фил кој се топи во устата.
Ако немате идеја за десерт на вашата новогодишна или божикна трпеза, направете ги овие медени колачина кое се превкусни и секому ќе му се допаднат.
Потребни состојки:
- 200 гр брашно
- 1 лажичка сода бикарбона
- 1¼ лажичка мелен ѓумбир
- 1 лажичка цимет
- ¼ лажичка мелено каранфилче
- ¼ лажичка рендано морско оревче
- 1 лажица какао во прав
- 115 гр путер
- 1 лажица свеж ѓумбир, излупен и изрендан
- 100 гр кафеав шеќер
- 170 гр мед
- 230 гр полуслатка чоколада исечкана на парчиња
- 50 гр шеќер
Подготовка:
Обложете два плеха со хартија за печење. Во сад измешајте брашно, сода бикарбона, мелен ѓумбир, цимет, каранфилче, морско оревче и какао. Оставете на страна.
Со миксер изматете го путерот и свежиот ѓумбир на средна брзина додека не замирисаат, околу 2 минути. Додадете го кафеавиот шеќер и матете додека смесата не стане лесна и мазна, околу 2 до 3 минути. Додадете го медот и изматете додека не се соедини.
На мала брзина постепено додавајте ја смесата со брашно. Потоа измешајте ги чоколадните парчиња додека не се соединат. Покријте со пластична фолија и ставете во фрижидер да се стегне, најмалку 2 часа или преку ноќ.
Загрејте ја рерната на 160 степени. Поделете го тестото на топчиња од по една и пол лажица и ставете ги на оддалеченост од 5 см на подготвениот плех.
Секое топче валкајте го во шеќер. Печете додека површината не почне да пука, 10 до 12 минути. Оставете да се излади 5 минути. Сѐ префрлете на решетка и целосно изладете.
