Тиквата е позната како „кралицата на есента“, но дефинитивно не е единствената опција за сите оние кои се во потрага по здрави видови на овошје и зеленчук за оваа есен.
Постојат уште неколку еднакво вкусни и намирници богати со хранливи материи, кои можат да донесат бројни бенефити по вашето здравје.
Јаболка
Ова овошје е богато со антиоксиданси, посебно со витамин Ц, кој ќе го зајакне вашиот имнолошки состав и ќе го намали ризикот од рак. Во јаболката се наоѓа и пребиотикот пектин кој може да го намали холестеролот.
Тиква
„Кралицата на есента“ е одличен извор на витамин А, а содржи и фитостерол кој помага при намалување на лошиот холестерол во крвта, како и антиоксиданси кои помагаат во борбата против слободните радикали.
Смоква
Ова овошје е одличен извор на протеински влакна и калиум, кои го контролираат крвниот притисок.
Цвекло
Овој есенски зеленчук, кој на многумина им е омилен додаток во салатите, ја содржи аминокиселината бетаин која има антиканцерогени својства. Цвеклото изобилува и со калиум и манган, кои помагаат во апсорпција на калциум.
Круша
Со ова овошје секој есенски рецепт ќе добие подобар вкус. Покрај тоа што е извор на влакна и витамин Ц, крушата содржи и бакар, фосфор, калциум, магнезиум и железо.
Брусница
Брусницата е позната како вистински извор на здравје. Содржи влакна и пребиотици, витамин Ц и антиоксиданси.
Грозје
Покрај тоа што од грозјето се прави вкусно вино, ова овошје е здраво да го јадете и свежо, бидејќи ќе му обезбеди витамин К на вашето тело, кој помага во зајакнување на коските.