Актерот и режисер Бен Афлек е номиниран за Златна малина и луѓето воопшто не се одушевени од тоа.
Афлек и претходно бил номиниран за награди во најлошото од филмската индустрија, како на пример за „најлош актер на деценијата“ и слично. Златните малини се награди кои ги акцентираат лошите улоги и филмови од претходната година.
Но, според мислењето на филмските критичари, годинава во номинациите на Златна малина воопшто не му е местото на Бен Афлек, особено не за улогата во историската драма „The Last Duel“ на режисерот Ридли Скот.
Иако филмот не оствари успех на бокс-офисот, заработувајќи само 27 милиони долари на светско ниво со буџет од 100 милиони долари, критичарите и обожавателите го бранат Афлек на социјалните мрежи. Сметаат дека неговото портретирање на ликот што го толкува во филмот е неговата најдобра изведба досега.
Афлек толкува улога на негативец и тоа доста добро, сметаат критичарите.
„Името на Бен Афлек воопшто не треба да биде на листата за Златна малина. Неговата изведба како нарцисоиден благородник е на сосема друго ниво во „The Last Duel“, смета Кортни Хауард, филмски критичар од Rotten Tomatoes.
Линда Марик, филмски критичар од The Jewish Chronicle, на Twitter го искажа нејзиното мислење:
„Бен Афлек ја изведе неговата најдобра улога во „The Last Duel“. Непочитување е што се најде на листата номинации за Златна Малина“, смета таа.
На Twitter реакциите од обожавателите се слични, сите се изненадени од номинацијата.