Храната богата со преработено месо, путер, како и пржена храна и слатка храна може да го зголемат ризикот од појава на рак на дојка, потврдуваат новите докази.
Жените коишто јадат таков вид храна имаат и до 12% поголем ризик од развој на рак на дојка, според истражувањето коешто овој месец е претставено на годишниот состанок на Американското здружение за исхрана.
Истражувачите од Каталонскиот иститут за онкологија, СЗО и Империјал колеџ во Лондон ги проучија податоците на 318.686 жени кои учествувале во европското истражување од начин на исхрана и ризик од рак во текот на 14 години.
Тие откриле дека храната којашто предизвикува воспаленија е одговор на стрес во телото и е поврзана со развој на рак.
Храната како што е црвено месо, преработено месо, путер, маргарин, масло за пржење и слатка храна се наоѓаат на листата на храна која го зголемува ризикот од појава на рак.
За разлика од нив, овошје, зеленчук, кафе и чај се богати со хранливи состојки и се сметаат за намирници со противвоспалителни својства. Оваа храна го ублажува стресот во телото и го намалува ризикот од хронични заболувања како рак, пишува Insider.