Наоми Вотс откри дека влегла во менопауза на 36 години.
Британско-австралиската актерка зборуваше за своето искуство со менопаузата за магазинот Hello:
„Минувањето низ менопауза на толку млада возраст не беше лесно, особено во време кога имаше толку малку достапни информации за тоа. Промени во расположението, ноќно потење и мигрена... Имав чувство како да губам контрола“, вели таа.
Таа посочи дека периодот на менопауза може да трае со децении и дека треба да се зборува за тоа.
„Зарем не вреди да се пишува за тоа? Толку многу работи можат да се случат во животот на една жена во тој период: грижа за постари родители, заминување на децата, развод, промена на кариера, враќање на работа. Влогот е голем! Сето ова е одлична храна за значајна и богата приказна“.
Наоми работи со здружението Marielle Frostrup Menopause Mandate и секогаш ја нагласува потребата отворено да се зборува за менопаузата и е многу „страсна за подигање на свеста и поттикнување поискрени разговори“.
Да потсетиме, Наоми Вотс (54) минатиот месец во Њујорк се омажи за Били Крудуп, со кого беше во врска од 2017 година. Пред тоа таа беше во брак со актерот Лив Шрајбер, со кој има два сина.
