Вчерашниот напад во Лондон заврши со 4 жртви и 29 ранети луѓе од кои четири се во критична состојба. Меѓу жртвите се убиениот напаѓач, полицаецот Кит Палмер и двајца цивили.
Полицијата одби да го открие идентитетот на напаѓачот додека трае истрагата и не потври дали е британски државјанин. Сепак, тие нагласија дека делувал сам и дека бил инспириран од меѓународниот тероризам.
Британските власти соопштија и дека се направени претреси во Бирмингем, а седум лица се приведени. Според информациите, автомобилот со кој е изведен нападот кај Вестминистер веројатно е изнајмен во Бирмингем.
Меѓу повредените од нападот во Лондон се и повеќе туристи, а една жена е извлечена жива од реката Темза иако здобила сериозни повреди.
Мотивите за нападот во кој напаѓачот со автомобил покоси десетици луѓе на Вестминистерскиот мост во Лондон и избоде еден полицаец се уште се непознати.