Напад во училиште во САД, напаѓачот уапсен, има загинати и ранети

Во средно училиште недалеку од Атланта, во американската држава Џорџија, имало пукање.

MSNBC на Х објави дека според првичните информации во пукотницата загинале најмалку две лица, а најмалку четворица се ранети. Други американски медиуми јавуваат дека има повеќе жртви.

Осомничениот е уапсен, соопштија властите.

„Полицијата и ЕМС одговорија во средното училиште 'Апалачи' во округот Бароу околу 10:23 часот 'за пријавен активен стрелец'“, се вели во соопштението од Канцеларијата на шерифот на округот Бароу.

Учениците се евакуирани, а пристапот до училиштето е блокиран.

Белата куќа објави дека претседателот Џо Бајден бил информиран за пукањето.