Најмалку 22 лица загинаа, а меѓу 50 и 60 луѓе се ранети во престрелка во градот Луистон, во американската сојузна држава Мејн, што се случи вчера вечерта на две локации, јавуваат американските медиуми.
Комесарот за јавна безбедност на Мејн рече дека полицијата не може да го потврди точниот број на жртви бидејќи ситуацијата сѐ уште „е во тек“, но полициски извор за Fox News изјавил дека 22 лица загинале.
NBC News јавува, повикувајќи се на полициски извори, дека се ранети меѓу 50 и 60 луѓе.
Полицијата во Луистон го идентификуваше 40-годишниот Роберт Р. Кард од Боудоин, Мејн како главен осомничен.
Нападот се случил во барот Schemengees и кугланата Sparetime Recreation.
