Селекторот на македонската репрезентација, Благоја Милевски, по првиот тренинг се соочи со непланирани проблеми поради повреди на двајца фудбалери, информира ФФМ.
Така, напаѓачите Милан Ристовски и Лирим Ќамили нема да бидат во составот на Македонија за претстојните натпревари против Лихтенштајн и Велс.
Како замена, селекторот дополнително го повика Давид Тошевски од Аустриа Клагенфурт. За 23-годишниот напаѓач ова ќе биде шанса да дебитира во сениорскиот тим.
Згора на тоа, настапот на латералниот бек Стефан Ашковски останува неизвесен поради повреда на зглобот, а неговата состојба ќе биде дополнително проценета од медицинскиот тим.
Македонија против Лихтенштајн игра в сабота на гости, а три дена подоцна дома против Велс.
