Корејскиот гигант Samsung направи RAM меморија од дури 512 GB, што е прва меморија во светот со простор за толку многу податоци.
Покрај тоа, Samsung го направи така да работи со повеќе од двојно поголема брзина од стандардните најбрзи RAM мемории на пазарот.
Ова е овозможено со технологијата на Samsung за сложување на мемориските чипови едни врз други, користејќи понапредни и издржливи материјали.
Оваа меморија користи околу 13 проценти помалку енергија, што ќе биде значајно таму каде што е наменето да се користи - во центрите за податоци.
Можеби гејмерите и другите професионалци чија работа бара многу компјутерска моќ се возбудени од веста, но треба да напоменеме дека оваа меморија нема да се најде во нашите домашни машини.
Главната причина за ова е што повеќето компјутери имаат ограничување на RAM меморијата што е многу помало, а тоа, во зависност од компјутерот, е околу 64 GB или 128 GB.
Овие модули се дизајнирани да се користат во медицински истражувања, за финансиските берзи или за автономно возење.
Првите процесори што ќе можат да ја користат таа меморија се процесорите од најновата генерација на Intel кои ќе излезат во втората половина на 2021.
