Денеска во просториите на КФМ беше направена жрепката за новата сезона во прволигашката конкуренција која ќе почне на 5 октомври.
Единаесет клубови ќе се натпреваруваат претстојнава сезона, што значи дека поради непарниот број секое коло еден тим ќе биде слободен. Жрепката одлучи во првото коло да нема дерби, а прва слободна екипа да биде вториот тим на МЗТ.
Двојки за 1. коло:
Академија ФМП – Работнички
Еуроникел 2005 – Гостивар
Кожуф – АВ Охрид
МЗТ Скопје – Куманово
Вардар – Пелистер
МЗТ Скопје 2 е слободен.
Новаци во лигата се МЗТ Скопје 2 и Академија ФМП, двете екипи кои минатата сезона играа во финалето од плеј-офот кога славеа аеродромци. Академија ФМП потоа во дополнителен бараж во исфрли прволигашот Шкупи.
Гевгелиските клубови Блокотехна и Кожуф летово направија фузија па така сега ќе настапуваат заедно, но под името Кожуф.
Клубот Фени Индустри од Кавадарци во јули го промени името во Еуроникел 2005 откако се смени сопствеништвото на сопственикот и спонзор на клубот, топилницата Фени.