Направена жрепката за групната фаза од Лигата на шампиони

Денеска во Истанбул УЕФА ја направи жрепката преку која фортуната ги одреди групите за новата сезона во Лигата на шампионите.

Судбината си поигра со двата најголеми фаворити, Манчестер Сити и ПСЖ, кои се паднаа во иста група. Сличен проблем добија и Баерн и Барселона, како и Челси и Јувентус.

Минатогодишните финалисти во Лига Европа, Виљареал и Манчестер Јунајтед, исто така се најдоа во иста група.

Интересно, во иста група повторно како и лани се паднаа Интер, Реал Мадрид и Шахтар.

Единствен дебитант сезонава е молдавски Шериф.

Групната фаза ќе започне после репрезентативната пауза и тоа со натпреварите од 1. коло закажани за вторник и среда на 14 и 15 септември. Ќе заврши со 6. коло на 6 и 7 декември. 
Финалето оваа сезона ќе се игра на 28 мај на „Крестовски“ стадионот во Санкт-Петербург, Русија.