Еден од најпопуларните намази во светот, но и најздравиот, е гвакамоле.
Зборот guacamole и намазот гвакамоле потекнуваат од Мексико, каде авокадото се одгледувало со векови. Името е изведено од два ацтечки збора - ahuacatl (авокадо) и molli (намаз). Денес, гвакамолето е глобално познато и се наоѓа во кујните на љубителите на здрава храна ширум светот.
Намазот гвакамоле одлично оди со различни јадења. Одличен е врз начос, а исто така е одличен прелив или прилог за тортиљи, енчилади, тако, лосос на скара или пилешко печено во рерна. Добро оди со колачи, крекери и здрав чипс. Одличен е и како додаток на сендвичи, салати и разни други гастрономски деликатеси.
Патем, авокадото содржи дури 11 до 17 грама влакна и незаситени масти кои помагаат во борбата против масните наслаги. Тоа е богат извор на витамин Е, ја поттикнува регенерацијата на телото, го стабилизира нивото на шеќер во крвта и е одлично во превенцијата од срцеви заболувања. Го намалува лошиот холестерол (ЛДЛ) и го зголемува добриот (ХДЛ) бидејќи содржи олеинска и линолеинска киселина. Авокадото содржи и фолна киселина и на тој начин помага во одржување на здравјето на црниот дроб, кожата и косата.
Значи, бидејќи гвакамолето е направена од авокадо, овој омилен намаз е исклучително здрав и хранлив.
Потребни состојки:
- 3 зрели авокада
- ½ главица кромид
- 2 домата
- 3 свежи коријандера
- 2 чешниња лук
- сок од 1 лимета
- ½ лажичка морска сол
Подготовка:
Исечете ги авокадата на половина, извадете им ја семката и ставете ги во сад. Изгмечете ги со вилушка додека не ја достигнете саканата текстура. Ситно исечкајте го кромидот и додадете го во садот со авокадо. Додадете ги и доматите, кои сте ги исечкале на коцкички. Потоа ситно исечкајте го и коријандерот, па додадете го, како и ренданиот (или толчен) лук. Убаво измешајте.
Пробајте и по потреба додадете малку сол или сок од лимета.
