Американската вселенска агенција НАСА се подготвува за новата вселенска мисија и бара учесници кои се подготвени да живеат заедно со неколку членови на екипажот во изолација, во период од 8 месеци.
Луѓето се навикнаа на карантинот кој беше воведен поради пандемијата со коронавирусот, а оние коишто можат да издржат можат да се пријават да учествуваат во овој експеримент кој го спроведува НАСА.
Агенцијата бара учесници за истражувањето кои ќе поминат 8 месеци заклучени во руска лабораторија во Москва.
Учесниците во експериментот ќе бидат под слични услови на коишто ќе бидат изложени астронаутите на Марс, а по осум месеци ќе добијат компензација.
Може да се пријават само Американци на возраст помеѓу 30 и 55 години, а мора да имаат и определен степен на образование, пишува Mirror.