Двата вида на нови одела ќе се користат при мисијата за слетување на Месечината која НАСА планира да ја изведе до 2024 година.
Прототипот на белото вселенско одело го презентираше Кристин Дејвис, инженер за вселенски одела при Вселенскиот центар Џонсон. Се работи за одело наречено Exploration Extravehicular Mobility Unit (xEMU) кое има подобрени перформанси од оние користени при мисиите на Apollo за слетување на Месечината како и оние кои моментално се користат при прошетки надвор од Меѓународната вселенска станица.
Дастин Гомерт, кој е проект менаџер при Orion Crew Survival Systems, го презентираше истоименото одело со портокалова боја. OCSS оделото не е за секојдневна употреба туку е дизајнирано за користење при лансирање на ракетите, за вонредни ситуации, за истражување на опасни делови од Месечината, како и при враќањето на Земјата. Вклучува далеку поголема заштитна технологија и им овозможува поголема подвижност на астронаутите.
Мисијата Artemis има задача да ја однесе првата жена на Месечината и наредниот маж, „the first woman and the next man“, како што стои во официјалниот опис на мисијата.