Роверот Perseverance испрати повеќе снимки од Марс, а на една од нив е забележан зелен камен на којшто има дупки. Роверот со ласер ќе се обиде да го истражи потеклото на овој камен и како тој стасал до кратерот Језеро.
Инструментите на роверот снимаат и истражуваат необичен зелен камен од површината на Црвената планета., пишува Science.
„Дали каменот е оштетен од временски прилики или можеби долетал на тоа подрачје на Марс по некој далечен судир со некое небесно тело? Дали станува збор за метеорит?Или нешто друго?, прашуваат твитерџиите.
Научници од НАСА веќе имаат неколку теории. Станува збор за камен од околу 15 сантиметри којшто има неколку дупки на себе, а кога фотографијата ќе се зголеми, се гледаат и точки кои не изгледаат како да се од природно потекло. Од НАСА објаснуваат дека тие точки се од ласерот на роверот.
Тој ласер е дел од инструментите за испитување на карпи и земја. Научниците наведуваат дека ласерските испитувања би можеле да ја разрешат мистеријата дали необичниот камен е создаден на местото на кое е пронајден или потекнува од друга локација.
Ако не е од местото каде што е фотографиран, постои можност да е донесен со водата во кратерот Језеро или пак станува збор за метеорит.
Ласерот на роверот работи така што ја погодува карпата на оддалеченост од 7 метри, а потоа се создава облак од испарувања анализиран од камерата на роверот и спектрометрите.
